اهم اضافات ووردبريس

النهاردة هنتعرف على اهم وافضل الاضافات او البلجنز للوردبريس اللى بتساعدك انك تطلع الموقع بشكل مهيئ لل SEO وللزائر و تسهل عليك امور ادارة المحتوي
واهم اضافات الوردبريس للسيو والمحتوي وسرعة الموقع

A- Seo Plugins اضافات السيو

1- Yoast seo >> free and premium

اللى موجودة دى النسخة المجانية
الاضافة الحلوة اللذيذة معروفة للناس كلها .. مع ان بشوف ناس شغال برانك ماث لكن فى النهاية انا شخصيا بفضل اليوست ..
-مجاني
-سهل سريع
-اضبط الاعدادات وانسى السيو
-افضل سايت ماب على الاطلاق

2- Yoast video seo premium >> premium

الاضافة المميزة و الجميلة لعمل خريطة الموقع للفيديو سواء من اليوتيوب او self hosted video

3- Google XML Sitemap for Images>> free

دى اضافة بتعمل خريطة للصور و من اهم الاضافات الحلوة المفيدة للسيو .. الاضافة دى عاملها واحد من عمالقة التدوين راجل هندي اسمه Amit Agarwal اللى عامل موقع www.labnol.org

4- WP 404 Auto Redirect to Similar Post >free

ودى اضافها زى اسمها ما بيقول دا بيعمل فحص لصفحات 404 ويحولها تلقائى للمقال المشابه مثال>>
لو عندك رابط زي دا بيظهر نتيجة  404
.com/موقع-تعليم-سيو
وعندك مقال تاني بعنوان مشابه وليكن
.com/موقع-سيو
الرابط الاول هيتحول تلقائى على التاني .. وهتستفيد من الروابط المكسورة وتخلص من مشاكل ال 404
خطأ شائع فى الوردبريس

5- All In One Schema Rich Snippets > free and premium

ودى علشان تعمل مقتطفات بيدعم حاجات كتير زي
* Review
* Event
* People
* Product
* Recipe
* Software Application
* Video
* Articles
ودا طبعا مفيد لانك بتخلى جوجل يفهم محتوي صفحتك ويظهر مقتطفات الصفحة على محركات البحث

6- Easy Table of Contents > free

الاضافة دي للناس اللى بتكتب محتوي طويل .. ومعني طويل يعني يعدي 1500 كلمة
بتعملك جدول تلقائى بسيط باهم العناوين الفرعية للمقال بتخلي الزائر يوصل لاي قسم فى المقال بسهولة و ممكن كمان يوصل لجزء معين من داخل محرك البحث نفسه من خلال رابط “الانتقال الي + عنوان فرعي من المقال”

7- Seo Optimized Images > free and premium

بتقوم بضبط ALT + TITLE Attribute تلقائى

8- Internal Link Juicer

من الاضافات اللى بتخفف عنك وبتقلل المجهود والوقت دي بتعمل روابط داخلية تلقائية لكل موضوع بتكتبه . فبدل ما ترجع تعدل المقالات القديمة وتضيف فيها روابط للمقالات الجديدة والعكس .. الاضافة دي هتساعدك تعمل كل ده بشكل تلقائى ولاكثر من كلمة مفتاحية لكل مقال

9- Republish Old Posts >> free and premium

الي حد ما هذه الاضافة مفيدة كل اللى بتقوم به انها بتغير تاريخ المقالات القديمة الي تاريخ جديد *** ولكن من الافضل تعديل محتوي المقال بالاضافة لتعديل التاريخ

10- Breadcrumb NavXT

دا بيحل مشكلة data vocabulary اللى ظهرت جديد فى جوجل كونسول ولازم له اكواد تتضاف على الثيم

11- Instant Indexing for Google

لتسريع الارشفة لحد 100 لينك .. تفعيلها عايز شوية خبرة .. ممكن اي develpoer يعملهالك بمقابل

Rank Math > free -11

تعد رانك ماث من افضل الاضافات المجانية الشاملة والمتكامله فى مجال السيو للورد بريس لما تمتاز به من خصائص

B- Content plugins اضافات المحتوي

1- WP RTL >> free

بيضيف امكانية الكتابة من اليمين للشمال و العكس فى WordPress classic editors .. مفيدة للكتابة العربي

2- Advanced custom fields >> free and premium

الاضافة الجميلة اللى تقدر تعمل بيها اي حاجة فى الوردبريس .. بتضيف حقول مخصصة .. تعمل جداول .. تابات .. accordion .. مش بس على صفحات البوستات لكن على كل صفحات الموقع … عايزة خبرة فى ال php … ليها addons كتيرة جدا

3- Post Grid >> free and premium

حاول تجربها هتلاقيها ممتعة .. لو عايز تجميع مجموعة من المقالات و تنزلها فى بوست منفرد وتعرضهم بشكل حلو

4- Yet Another Related Posts Plugin (YARPP) > free

لو الثيم بتاعتك مش موجود فيه موضوعات ذات صلة .. ممكن تستخدم الاضافة دي .. و كمان ممكن تختار المقالات ذات الصلة الخاصة بكل موضوع وانت بتكتبه

5- Mango Buttons >free

لاضافة الازرار زي download Buttons و buy now وغيرها كتير باشكال جميلة سهل الاستخدام جدا

6- Shortcoder > free

لو عايز تضيف اكواد جافا و php و html فى المقالات او لو عايز تحط اعلان ادسنس تحت جزء معين فى المقال الاضافة دى هتساعدك كتير

C- Site Speed Optimizing Plugins اضافة لسرعة الموقع

نصيحة استخدم اضافة واحدة للكاش دي مجموعة من الاضافات مينفعش تستخدهم كلهم لان بيبقا فى تعارض فى طريقة عملهم

1- WP rocket >> premium

اضافة حلوة لكن احيانا متديش المطلوب ..
cache
compress html, css
Aync css, javascripts
lazy load images

2- WP total cache >> free and premium

نفس وظائف البلجن السابق

3- a3 Lazy Load

دورها مهم فى تسريع الصفحات مش بس للصور لكن للفيديو و الاي فريم

4- Autoptimize >freemium

aggregate, minify and cache scripts and styles, injects CSS

5- Imagify – Convert WebP, Images Compression and Optimization >> free and premium

من الاضافات الممتازة لكن للاسف النسخة المجانية بتديك API محدود وبتضطر تشتري و عشان متحتاجش اصلا للاضافة دي حاول تضبط صورك قبل الرفع فى الحجم والجودة اللى تناسب سرعة الموقع