لو أنت مشترك انترنت ADSL مع شركة WE فالمقال دا يهمك جدا عشان ما تقابلش اي مشكله بعد التحديثات الجديده للخدمه ولتجنب قطع الخدمه
بدايه كل الاسعار اللي المذكوره شامله الضريبه وليست شامله رسوم فوري او امان او مصاري الخ…للتاكيد فقط وهاكد تاني برضه
محتويات المقال
التحديثات الجديدة من الشركة وكيفية التصرف معاها
الاشتراك بيتم قطعه بمجرد انتهاء مدة الاشتراك بساعه واحده ، يعني لو انت مشترك في 1 يناير نهاية الاشتراك يوم 31 يناير الساعه 12 بعد منتصف الليل
تم إلغاء فترة السماح
اللي كانت عبارة عن 48 ساعة حتى السداد .
والجديد بقى فى خدمه سلفني عباره انك بتستلف 5GB ب 10 جنيه لمده 48 ساعه وتسددهم 11.40 عند تجديد الاشتراك بالإضافة لقيمة الاشتراك الاصلي….
– في الأول الخدمة لما بتفصل بسبب الفاتورة لمبة ADSL و لمبة Internet كانوا بيفصلوا بمجرد انتهاء فترة الاشتراك لكن دلوقتي اختلف الموضوع ده بعد التحديث بتستمر كل لمبات الADSL و الinternet بدون انقطاع وهتفتكر إن مفيش مشكلة في النت غير لما تتصل بخدمة العملاء ويبلغوك انك كده عليك فاتورة ولازم تسددها علشان تشغل الخدمة او تستخدم خدمه سلفني
بالنسبة لسداد الاشتراك
أصبح كشحن الموبايل بتحويل الرصيد…
يعني لو انت على اشتراك سوبر 140 جيجا ، اللي 136.80 ج شهريا
ف علشان تشغل الباقه حول لرقمك الارضي عن طريق فوري او الفروع 136.80 جنيه شاملين الضريبه وبالفعل هتتجدد الباقة تلقائيا بعد التحويل
شرح دفع فاتورة النت we بالفيزا
اسعار باقات وي سبيس الجديده
شامله الضريبه
في طبعا سرعات اعلي اللي هي
ميجا اب تو 70
الترا اب تو 100
We Space Up To 30 (140GB) 136.80 EGP
We Space Up To 30 (250GB) 239.40 EGP
We Space Up To 30 (600GB) 570 EPG
باقات الإنترنت الجديدة WE Space
ملحوظه مبقاش يظهر فواتير ف لو هتشحن عن طريق خدمات فوري او مصاري او امان الخ…اطلب من الشخص اللى هيسدد الفاتورة يحول لحساب خطك الارضي سعر باقتك شامله الضريبه
*ملاحظة مهمه
معني كده لازم تكون عارف انتا مشترك علي باقه ايه وسعرها كام بالضريبه ولو جايب اوتر ب 5.70 جنيىة تضيفها على الفاتورة
واتاكد ان في ف حسابك سعر باقتك كامل السعر بيوصل الشركه بعد خصم الضريبه عشان لو قرش ناقص مش هتشتغل معاك الباقه..
ملحوظه
لو مشتغلتش معاك بعد الشحن او حسيت ببطئ بعد الشحن كلم خدمه العملاء هيعملك تنشيط للخدمه هتشتغل معاك طالما الدفع مفيش فيه مشاكل وسليم
دلوقتي تقدر تجدد باقتك قبل ميعادها
يعني مثلآ
انت ميعاد باقتك تنتهي اخر الشهر بس الكوتا اللي هي الجيجات خلصت قبلها ب ٥ ايام مثلا تقدر تحول سعر باقتك لحسابك وتعمل تجديد مبكر وتبدا باقه جديده من الميعاد اللي تم فيه الشحن
او تشحن باقه اضافيه
اسعار الباقات الاضافيه (Extra Quota) شامله الضريبه
(20 GB) 34.20 EGP
(50GB) 68.40 EGP
(100GB) 114 EGP
– و كمان تقدر تشحن ب كروت شحن وي عن طريق الابلكيشن..
+ أنت ممكن كمان تشحن ب 500ج رصيد في حسابك مثلا هيريحك جدا لو الباقه خلصت تقدر تجدد الباقة
أو تشحن باقة اضافية من غير تروح ل فوري أو فروع وي.
20GB / 50 GB / 100 GB
سعر الرسوم الشهريه للروتر الجديد روتر السرعات الفائقه شامل الضريبه (VDSL) 5.70 EGP
شرح عمل اعدادات راوتر WE ZXHN H168N V3-1
طريقة تشغيل ال VDSL في الراوتر
ملحوظه مهمه في ناس بتقول عايز اغير ميعاد فاتورتي عشان دفعت بعد ميعادي باكتر من يوم دلوقتي بعد التحديث الدفع اللي بتدفعه بيكون ساري من معاده يعني بيبدا الشهر الجديد من ميعاد الدفع فى ميعاد الدفع كده بيتغير اوتوماتيك بناء علي الوقت اللي دفعت فيه
مثال ميعادي يوم 1 في الشهر ودفعت يوم 10 بيتسجل اوتوماتيك ان باقتي بدات يوم 10
– بخصوص تطبيق We Internet على الموبايل تم ايقافه حاليا…
وتم استبداله ب We Mobile بيستخدم حاليا للانترنت والخط الارضي و خطوط الموبايل وتم تطويره و بيتم تحديثه برضه كمان عشان يكون متاح فيه كل الخدمات وهيكون هو الاساسي باذن الله لكل الخدمات وبتقدر تعرف منه اليوزر نيم والباسورد بتوع الخدمه كمان تقدر تتابع من عليه استهلاكك ورصيد ومواعيدك وتعمل شكوي او طلب الخ…. وكل اللي انتا محتاجه
وعشان تشغله بتكتب رقمك الارضي بكود المحافظه وبتعمل رقم سري وبيجيلك كود في رساله علي الرقم المسجل في التعاقد علي خدمه الانترنت لو الرقم مجالكش كلم خدمه عملاء المبيعات والفواتير هيعمله ضبط لحسابك وهياكد علي الرقم الموجود معاك هو اللي ف العقد ولا لا هتجيلك رساله التاكيد بالكود وانتا معاهم…
شرح طريقة انشاء حساب على موقع www.te.eg
اما بالنسبه ل We Pay
هي محفظه الكترونيه نقدر نستخدمها ونشحنها عن طريق حسابك البنكي او الفيزا بطاقتك الائتمانيه ولو حبيت تسال عن اي معلومه خاصه بيه تقدر تكلم 565 من اي رقم 015
بالنسبه لبرنامج نقاط فور يو او نقاطي (4U) متوقف حاليا عشان التحديثات اللي بتم عليه وعلي التطبيقات والسيستم وهيشتغل ف اقرب وقت والنقاط القديمه المفروض بتفضل موجوده عادي متقلقش
نصيحه بقا لو استهلاكك في مشكله تابعه عن طريق التطبيق وراقب استهلاك اليوتيوب عشان السرعات العاليه طبعآ ومتخليش جوده اليوتيوب يشتغل تلقائي عشان هيشتغل علي اعلي جوده وتابع باسورد الواي فاي بتاعك عشان لو حد داخل وبيسرق منك طبعآ
شرح تحديد سرعة الانترنت من الراوتر
شرح تحديد سرعة راوتر HG 630 وHG 633
شرح تغيير باسورد الواى فاى لراوتر هواوى HG 633 و HG 630
شرح تغيير باسورد الواى فاى لراوتر WE ZXHN H168N V3-1
واخيرآ وليس اخرآ تم تحويل كل الباقات الي باقات We الجديده
وده بناء علي تعليمات الجهاز القومي لتنظيم الاتصالات (NTRA)
رقمهم (155)
برفع السرعه ورفع سعه التحميل (الجيجات) وتحسين الخدمه للمستهلكين وباسعار افضل..
ودمتم فى خير صحة وعافية متابعينا الكرام
